اعرفى مشكله بشرتك ونوعها ايه وتعالى اختارى الماسك المناسب اللى يفدها ويناسبها
واعرفى ازاى تحافظى عليها وايه الاخطاء اللى بتعمليها وبتكون ضارة لبشرتك وانتى متعرفيش
كل ده هتلاقيه هنا..........
واعرفى ازاى تحافظى عليها وايه الاخطاء اللى بتعمليها وبتكون ضارة لبشرتك وانتى متعرفيش
كل ده هتلاقيه هنا..........
بس قبل ماتعملى اى ماسك وعشان تحصلى على افضل النتائج لازم تاخدى بالك من النقط دى:
_لازم تحطى الماسك على بشرة نظيفه ونقيه وبدون مكياج عشان مسام وشك تكون مفتوحه فيمتص وشك الماسك بسهوله وتستفادى من فوايده كلها.
_لو عايزة تنضفى وشك قبل وضع اى ماسك بطريقه سهله وسريعه اعملى بخار ماء لوجهك ونضفيه بقطنه عن طريق غلى الماء وتعريض الوجه للبخار وتمسحى وشك بقطنه لحد متحسى انه نضف خالص وبعد كده تحطى الماسك اللى يناسبك.
_ولازم بعد اى ماسك ترطبى وشك باى كريم مرطب خاص بنوع بشرتك او كريم ليل اونهار.
_خلى بالك اما تحطى اى ماسك ابعدى عن منطقه العين لانها منطقه حساسه جدا وبتتأثر بسرعه.
_لو مثلا الماسك 20 دقيقه متزوديش عن كده وتفتكرى ان ده هيفيد بشرتك بالعكس ده ممكن يسببلها جفاف او حساسيه لقدر الله.
_لو حاطه ماسك على وشك متحاوليش تعرضى وشك لاى تيار هواء او تقفى قدام مروحه وتفتكرى ان ده هيخلى الماسك ينشف بسرعه او وشك يمتصه اسرع دى معلومه غلط لانك لو اتعرضتى لهواء شديد ممكن يعمل التهاب للعصب السابع لقدر الله فأحذرى المعلومه الغلط دى.
كده انا خلصت اهم نقاط لازم تعرفوها واكيد البعض عارفها ومعلش عشان طولت عليكم
الاول عشان تعرفى نوع بشرتك:
البشره الدهنيه:
بتحسى ان وشك فى دهون وخاصه عند الانف
بيكون عندك رؤوس سودا
شعرك بيكون فى قشر
البشره الجافه:
بتحسى ان بشرتك ناشفه ومتشققه
وبتكون حساسه جدا من اى مستحضرات تجميل.
البشره المختلطه:
لو بشرتك احيانا جافه واحيانا دهنيه
منطقه الانف والجبين والذقن دهنيه والخدود جافه.
البشره العاديه:
الجلد طرى
افراز الدهون معتدل
معندكيش بثور سودا
معندكيش حب الشباب الا قليل اوى وكل فترة بعيده.
* كده اكيد انتى عرفتى نوع بشرتك وعرفتى الماسك اللى هيناسبك
وفى اختبار صغير كده لوعايزه تعرفى نوع بشرتك اكتر
هاتى قطنه وبليها بشويه لبن ومرريها على وشك كله واستنى شويه
بعد كده هاتى قطنه ناشفه ومرريها على وشك
لو
القطنه بيضه زى ماهى ________بشرتك عاديه
القطنه مايله للأصفرار ________بشرتك دهنيه
لو اماكن صفرة واماكن بيضه______يبقى بشرتك مختلطه
* كده بقى سهل على اى حد يعرف نوع بشرته ويختار الماسك اللى يناسبها*
